Ardanzak azaldu du oraindik liskarretan dabiltzala Orangekin. Hilaren 11n ekin zion Euskaltelek migrazioari. «35.000 bezerorekin hitz egin dugu, eta 30.000k jada gurekin jarraitzeko kontratua sinatu dute». Egunero 3.000 bezeroren «babesa» jasotzen du euskal operadoreak. Gaur-gaurkoz, ordea, bospasei bakarrik eraman ahal izan ditu sare propiora. «Orangeren joko zikinagatik. 2.000 bat eskaria helarazi dizkiogu, baina erantzun digu sare aldaketak egiteko sistema berri bat jarri duela martxan, eta prozesua eten du».
Ez luzaroan. Orain arteko sistema bera erabiltzeko agindu baitio Espainiako Telekomunikazioen Batzordeak. Migrazio prozesua «sano» azkartuko dela eta bezeroek Euskaltel berriari harrera ona egin diotela jakinarazi du konpainiako zuzendari nagusi Alberto Garcia Erauzkinek. «5.000 bezero berri lortu ditugu».
Telefonia mugikorrarekin tematuta dago euskal operadorea une honetan, baina ez da beste negozioez ahaztu. Telefonia finkoan, esaterako, 327.000 bezero dauzka -merkatu kuotaren %45-. «Buru» da, halaber, interneteko banda zabalean: 146.000 linea, eta EAEko erabiltzaileen %44. Telebista digitalean aurrerapauso handia eman dutela ohartarazi du Erauzkinek, gainera. «46.000 bezero dauzkagu, EAEko merkatu kuotaren %33, alegia».
Negozio guztietan gora doa Euskaltel, sektorea egonkortu egin den arren. «Pastela» ez da handitu 2003tik hona. Konpainia guztien artean 1.250 milioi euro irabazten dituzte urtero. «Gu, ordea, gero eta puska handiagoa daukagu». Diru sarreretan %6haziko da euskal operadorea 2006an: 333 milioi euro lortuko ditu. Hurrengo urtean beste %6 igo eta «aurten baino euro bat gehiago» irabazi gura dutela zehaztu du Erauzkinek.
«Telefonia mugikorreko 35.000 bezerorekin hitz egineta 30.000k jada kontratua egin dute gurekin segitzeko»
JOSE ANTONIO ARDANZAeuskalteleko presidentea«Diru sarrerak beste %6handitu eta aurten baino euro bat gehiago irabazi gura dugu 2007an»
ALBERTO GARCIA ERAUZKINEuskalteleko zuzendari nagusia
