12:00etan hasi da BERRIAk urriaren 21eko hauteskundeen harira prestatutako hiru mahai inguruen bigarren saioa, eta BERRIA.INFOk zuzenen eman du. Euskara eta hizkuntz politikari eztabaidatu dute Paul Bilbao, Mertxe Mugika eta Mikel Irizarrek. Iñaki Petxarroman BERRIAko zuzendariordea izan da aurkezlea.
Atzo ekonomiari buruzko saioa egin zuten Adrian Zelaia eta Eduardo Malagonek, Jakes Goikoetxea egunkariko kazetariak zuzenduta.
Bihar hirugarren saioa egingo da (10:00): subiranotasuna eta erabakitzeko eskubideari buruzkoa, Xabier Barandiaran eta Mario Zubiagaren artean. Pello Urzelai BERRIAko kazetariak aurkeztuko du, eta hori ere Berria TBk zuzenean eskainiko du.
Hauteskundeen ondoren beste saio bat ere egingo da emaitzak baloratzeko, eta hori ere Urzelaik aurkeztuko du.
