Kanpainak ikasleak ditu protagonista: iaz barnetegi eta ikastaroetan aritutako "milaka ikasleak", eta baita ikasturte honetan ikastera joango direnak ere. Horietako batzuen testigantzekin osatu dute kanpainaren bideoa:
[youtube]http://youtu.be/anMG_3Xb1bs[/youtube]
Kanpainaren irudia izateko beste ikasle bat aukeratu dute: Sara Cozar aktorea —EGA titulua lortu berri du, joan den ikasturtean Donostiako AEKn ikasle izanda—.
Euskara ikastea "posible" izateaz gain, "merezi duela" ere erakutsi nahi dute. AEK-ko arduradunek nabarmendu dutenez, “euskara nahi izatea norberaren esku dago, norberaren gogo eta beharren baitan". Gainerakoa AEK-k jartzen duela azaldu du Mertxe Mugika koordinatzaile nagusiak. Diru laguntzak ere badirela gogorarazi du.
