EUSKARAK LOTZEN DITU ZUBI BURUAK

Ziburun Euskaraz Bai astearen karietara, euskalgintzako eragileek eta Kontseiluak euskararen aldeko ikur oroigarri bat ezarri zuten atzo Ziburu eta Donibane Lohizune (Lapurdi) lotzen dituen zubian. Ekitaldi horren bidez euskararen aldeko engaiamendua agerian utzi nahi izan dute. Ekitaldiaren bigarren partea besta txiki bat izan zen, Ziburuko plazan egindakoa. Aste honetan haurrek herriko saltegietan itzulia egin dute, sustatzeko euskararen presentzia bizi sozialean.