EAEko Euskararen Legearen 30. urteurrena bete dela eta, BERRIAko Gizartea sailak erreportaje saila egingo du datozen egunetan.
Jorratuko dituen gaiak
- Euskararen Legearen testuinguru historikoa. Garaiko protagonisten testigantzak.
- Euskararen Legearen geroa. Zer asmo dituzte Eusko Legebiltzar berria osatzen duten talde politikoek?
- Ezagutza eta bilakaera Araban, Bizkaian eta Gipuzkoan.
- Hezkuntza eta euskaltegiak. Euskarak hezkuntzan eta euskalduntze eta alfabetatze arloan izandako bilakaera.
- Lan mundua eta administrazioa. Nola aldatu da euskararen egoera lantokietan eta administrazio publikoan?
- Hedabideak eta Internet. Zer-nolako bilakaera izan duten euskarazko komunikabideek.
- Ondorioak. Euskararen normalizazio prozesuak eta estrategiek zer dute ikasteko beste hizkuntza normalizazio prozesuetatik?
BERRIA.INFOk erreportaje sailarekin testu bilduma bat osatuko du.
