Euskararen Nafar Kontseiluak, Euskarabideari aholkularitza emateko eta partaidetzako erakundeak, legealdi berriko lehen bilkura berezia egin du. Nafarroako Herritarrekiko eta Erakundeekiko Harremanetako kontseilari Ana Ollo Hualdek Nafarroako Gobernuari aurkeztuko dion erakunde autonomo horretako egitura organikoko proposamena aztertzeko egin dute bilkura.
Aurkeztutako egituraren proposamena aho batez babestu du kontseiluak, eta eskumen nahiz funtzioei buruz Euskarabideko zuzendari kudeatzaile Mikel Arregik datozen lau urtetarako prestatutako zirriborroa onartu du.
Behin kontseiluak proposamena onartuta, Herritarrekiko eta Erakundeekiko Harremanetako Departamentuak organigrama berritu eta indartzeko proposamena Nafarroako Gobernura eramango du ostiralean.
