Euskarari eraso egin izana salatu dute Plentzian

BILBO. Irmo kritikatu du Plentziako (Bizkaia) ezker abertzaleak bertan euskarari egin berri dioten «erasoa». Aditzera eman dutenez, estatua bat zaharberritu du udalak, eta 20.000 euro erabili ditu egiteko horretan, baina estatuako plaka soilik gaztelaniaz jarri dute: Monumento al marino mercante. Udal gobernuak euskararekiko duen jarrera «iraingarriaren» adibidetzat jo dute ezker abertzaleko ordezkariek jazoera. Oroigarriko plaka lehenbailehen aldatzeko eskatu dute.