Berlingo Harresia nola, Vascuencearen Legea hala! Nafarroa osoan euskaraz bizitzeko eta ikasteko eskubidearen alde leloarekin egin dute manifestazioa. Euskaraz bizi nahi duten herrien ordezkarien bilera egin dute goizean. 13:00etan izan dute hitzordu nagusia, kalejirarekin, Nafarroako herrietan euskaraz ikasteko eskubidea aldarrikatzeko. Ehunka lagun bildu ditu ekimenak.
Antolatzaileek Nafarroako egungo euskararen legea ere gaitzetsi dute, zeina oztopo bilakatu den euskaraz bizi nahi dutenentzat.
Abenduaren 15ean 28 urte beteko ditu Nafarroako Euskararen Legeak. Eta Berlingo Harresiaren kasuarekin alderatu dute herri ekinbidekoek. 25 urte dira Alemania zatitzen zuen harresia eraitsi zela. Eta hura erori bezala euskararen legea ere eroriko dela adierazi dute: «Berlingo Harresia erori zen bezala, Vascuencearen Legearen harresia ere eroriko da. Hobeto esanda, bota egingo dugu».
