Euskaraz erregistra daitezke umeak Oiartzunen

OIARTZUN. Duela bi astetik hona haur jaioberriak euskaraz erregistratu daitezke Oiartzunen (Gipuzkoa). Ezkontzen eta heriotzen erregistroa ere egin daiteke euskaraz. 2005ean Erregistro Zibileko Legea aldatu zutenetik, erregistroak euskaraz egiteko aukera zegoen, baina orain gutxira arte barruti judizialetako hiriburuetan baino ezin zen gauzatu.