Idoia Mendia Eusko Jaurlaritzako bozeramaileak gaur esan duenez, ez dute aurreikusten Eusko Legebiltzarrerako hauteskundeak aurreratzea. Iñigo Urkullu EBBko presidenteak egin zion atzo eskaera Patxi Lopezi, ETAren adierazpenaren ostean horrek hasi duen bilera errondan.
Mendiak, ordea, argudiatu du gobernua egonkorra dela, eta agintaldia amaitzeko nahikoa "gehiengo eta proiektu" badituela. 2013. urtean amaituko da. Mendiak esan du Urkulluren proposamena "antsietatearen eta kezkaren" ondorio direla.
Bildurekin bilera ixten ari direla esan du, eta ezker abertzalearekin alderdi politikoen erregistroan izena emanda daudenean bilduko direla gaineratu du.
Bilera errondak bihar jarraituko du, eta Lopez Antonio Basagoiti EAEko PPko presidentearekin bilduko da. Basagoitik aurreratu duenez, tentuz jokatu beharraz eta pauso okerrak emateko arriskuaz ohartaraziko du lehendakaria.
10:00etan izango da bilera, eta ordu berean, Madrilen, Iñigo Urkullu Jose Luis Rodriguez Zapatero Espainiako presidentearekin bilduko da, Moncloan.
