«Ez esplorazioa, ezta ustiapena ere, araudia betetzen ez bada»
Iñigo UrkulluEAJko lehendakarigaia
«Gure jarrera argia da: ez esplorazioa, ezta ustiapena ere, araudia betetzen ez bada. Legeak mugak ezartzen ditu, eta argi dago gaur-gaurkoz guztiz babesten dituela eremu horiek».
«'Fracking'-a ez da sartzen gure energia ereduaren barruan»
Belen ArrondoEH Bilduko Arabako hautagaia
«Energia berriztagarriak lehenesten dituen eredu baten alde gaude, erregai fosilak modu progresiboan baztertuko dituen eredu baten alde, eta fracking-a ez da sartzen horren barruan».
«Bi zundaketa egineta bideragarria ote zen jakitea zen gure asmoa»
Patxi LopezJarduneko lehendakaria
«Gure asmoa zen munduko teknologiarik onena erabiltzea bi zundaketa egin eta jakiteko bideragarria ote zen gasa erauztea, eta gure energiaren kontsumoaren faktura arintzeko».
«Segurtasuna bermatuz gero, ezin zaio uko egin garapen ekonomikoari»
Javier de AndresArabako diputatu nagusia (PP)
«Garrantzitsuena ingurumenaren segurtasuna da. Segurtasun hori bermatuz gero, ezin zaio uko egin lana eta dirua sortzen duen garapen ekonomiko mota bakar bati ere».
«Zuhurrak izan behar dugu gai honetan,eta neurriak hartu»
Gorka ManeiroUPDko lehendakarigaia
«Haustura hidraulikoak arrisku bat dakar, edo ekar dezake, uraren kalitaterako, airerako eta pertsonen osasunerako. Horrenbestez, zuhurrak izan behar dugu gai honetan».
