Adierazpen instituzionala irakurri du gaur Bakartxo Tejeria Eusko Legebiltzarreko presidenteak, eta minutu batez isilik egon dira horren ostean. Alderdi guztiek gogor gaitzetsi dute bai Andina Pereiraren erailketa, bai emakumeen aurkako bortxatze eta sexu diskriminazio oro.
Bortxakeria sexista "gizon eta emakumeen arteko desberdintasunen adierazpiderik larriena da", adierazi dutenez, botere harremanen eta emakumeak azpiratzearen ondorioz sortuak. Alde horretatik, instituzioei desberdintasun horiek "behin betiko amaitzeko" baliabide nahikoak izango dituzten "plan integralak" garatzeko eskatu die legebiltzarrak.
Senide eta lagunei babesa eta doluminak adierazi dizkiete.
