Oskar Matute Alternatibako bozeramaileak, Rebeka Ubera Aralarreko koordinatzaileak, Pello Urizar EAko idazkari nagusiak eta Hasier Arraiz Sortuko presidenteak Vocento taldeko egunkarietan argitaratu zuten iritzi artikulua.
Bertan idatzitakoen garrantzia nabarmendu du Arantza Quiroga PPko Araba, Bizkai eta Gipuzkoako presidenteak Eusko Legebiltzarrean, eta uste du hitz horiek "aintzat hartzekoak" direla. Quiroga pozik azaldu du gaur egun eraso bat geratuz gero Eusko Legebiltzarreko talde politiko guztiek "aho batez" gaitzetsiko luketeelako. Hala ere, ezker abertzaleari eskatu dio hitz horiek ETAren "berariazko arbuio" bihur daitezela.
Quirogak Askatasuna eta Elkarbizitza izeneko ponentzia bat osatzera deitu ditu talde politikoak, horien arteko elkar ulertzea eta "batez ere, urrunen daudenen artekoa" errazteko. Ponentzia horrek Eusko Legebiltzarreko Bake eta Elkarbizitza lantaldea ordezkatuko luke, hura etenda baitago PSE, PP eta UPDk parte hartzeari uko egin ziotenetik. Ponentzia berriak "iragana baztertu ezin duen garai berri batean berriro hastea" eragingo luke, Quirogaren arabera.
Borja Semper PPko legebiltzarreko bozeramaileak zehaztu du alderdi horrek datorren astean abiatuko dituela harremanak gainerako taldeekin, ponentziaren sorrera bultzatzeko.
