Euskotrenen langileak 24 orduko lan uztea egitea erabaki dute gaur, eta ondorioz, konpainiaren zerbitzu guztiak etenda daude 6:00etatik aurrera, atzo Lezaman (Bizkaia) hil zen tren gidariari dolua adierazte aldera. Euskotreneko lan batzordeak deitu du greba, atzoko istripua "oso larria" izan zelako, eta beraz, tren, tranbia, funikular eta autobus "zerbitzua eteteko beharra" dagoela uste duelako.
Euskotreneko zuzendaritza, ordea, ez dator bat lan batzordearen erabakiarekin, haren ustez, "herritarrak zerbitzurik gabe uztea ez da zuzenena". Gainera, gaurko greba ohiko bideak jarraitu gabe deitu dutelako ezin izan dituztela gutxieneko zerbitzuak jarria adierazi du.
Lan batzordeak deituta, gaur 12:00etan Bilbon, Gasteizen eta Donostian elkarretaratzeak egin dituzte.
Gizartea
Euskotreneko langileak 24 orduko lanuztea egiten ari dira, atzo hil zen gidariari dolua adierazteko
Tren, tranbia, funikular eta autobus zerbitzuak etenda daude. Bilbo, Gasteiz eta Donostian elkarretaratzeak egin dituzte eguerdian.
Iruzkinak
Ez dago iruzkinik
Ordenatu
