Frantzia
•Eutanasia pasiboa. Leonetti legea dago indarrean 2005. urtetik, zeinak gaixoen eskubideak eta bizitzaren amaiera arautzen dituen. Gaixoak heriotzaren gainean aurrez har lezakeen erabakia kontuan izateari eta neurriz kanpoko zainketa lanak saihesteari egiten die erreferentzia. Hala, eutanasia aktiboa zein lagundutakosuizidioa zigorpean daude, baina legezkoa da eutanasia pasiboa.
Espainia
•Legez kanpo. Zigor penala dute eutanasiak zein lagundutako suizidioak.
Herbehereak
•Eutanasia eta lagundutako suizidioa. Eutanasia eta lagundutako suizidioa legezkoak dira. Gaixoaren bizitzaren amaiera eta lagundutako suizidioa arautzen dituen legea dago indarrean 2002. urtetik. Legearen arabera, eutanasia da gaixotasun atzeraezina duen edo hilurren dagoen eriaren eskariz medikuak zuzen eta eraginkor esku hartzea heriotza eragiteko.Hori gauzatu ahal izateko, ezinbestekoa da pazientea etorkizunerako dituen itxaropenez taxuz informatzea eta beste mediku batek egiaztatzea bete dituztela legeak ezarritako baldintzak.
Belgika
•Eutanasia eta lagundutako suizidioa. Eutanasia eta lagundutako suizidioa legezkoak dira. Eutanasia arautzen duen legea dago indarrean 2002. urtetik, eta lagundutako suizidioa ez arautzea du bereizgarri. Zigor kodeak zigortzen ez duenez, legeak ere ez du jasotzen.
Suitza
•Lagundutako suizidioa. Eutanasia zigorpean dago; ez, ordea, lagundutako suizidioa. Lagundutako suizidioa ez da derrigorrez medikuaren laguntzaz egin behar. Baldintza bakarra bete behar du laguntzen duenak: motibazio berekoirik edo ekonomikorik ez izatea.
Danimarka
•Eutanasia pasiboa. Eutanasia zigorpean dago, baina bereizi egiten da aktiboa ala pasiboa den. 1992. urteaz geroztik, legezkoa da eutanasia pasiboa, alegia, gaixoa hilurren dagoenean medikuak hutsala izan litekeen tratamendua emateari uztea.
Oregon (AEB)
•Lagundutako suizidioa. Eutanasia zigorpean dago; ez, ordea, lagundutako suizidioa. Lagundutako suizidioa arautu egin zuten 1994an, eta Konstituzioaren aurkakotzat jo zuten hurrengo urtean. Berriz ere onartu zuten 1997an, eta «heriotza duinari» egiten dio erreferentzia.
