"Ezin da jardun molde berean eta uniformizatuan hauteskunde guztietan"

BERRIAk Andde Saint-Marie Abertzaleen Batasuneko (AB) bozeramailearekin egindako elkarrizketa argitaratuko du bihar. Hona hemen haren erran batzuk:

- "ABko biharko batzarreko eztabaida gai nagusi, sakon eta premiatsua ondoko martxoko eskualdeko hauteskundetarako zer-nolako hautua lehenetsi behar dugun izanen da".

- "Ezin da jardun molde berean eta uniformizatuan hauteskunde guztietan. Azkeneko legebiltzarrerako hauteskundeetan eta bi kantonaletan Euskal Herria Bai koalizioaren proposamena ABtik etorri zen. Emaitzak onak eta esperantzagarriak izan ziren. Hein berean baloratzen ditugu Europe Ecologierekin lortu emaitzak. Lorpenaren aldetik, bata bestea bezain baikorrak izan dira".

- "Eskualdeko kontseiluari buruz, ez dugu segurtapenik. Ez Berdeen aldetik, ez EH Bairen aldetik, ez eta beste aukeren aldetik. Momentuz, denekin hitz egiten ari gara, ez dugu ezer baztertzen".