Ezker abertzaleak, EAk, Alternatibak eta Aralarrek koalizioa osatuko dute datozen hauteskundeetan, eta dagoeneko harremanetan jarri dira, hauteskundeak udazkenera aurreratu daitezkeela ikusita. Hala jaso du Vocento taldeak, "fidagarritasun osoko" iturrien eskutik. Patxi Lopez Eusko Jaurlaritzako lehendakariak, hala ere, agintaldia amaituko duela adierazi du behin baino gehiagotan, eta 2013ko otsailerako deituko dituela hauteskundeak.
Vocentoren arabera, koalizio berriak Amaiurrek azaroan Espainiako hauteskundeetan zabaldutako bidetik jarraituko nahiko luke. Sortu legeztatu edo ez, elkarrekin ariko dira.
Izen berria izango du koalizioak, baina oraindik zehazteke dago. Ezker abertzaleak Arnaldo Otegi nahiko luke lehendakaritzarako.
