Ezker abertzaleak atzo Nafarroan hasi ziren AHTaren lanak gelditzeko eskatu du gaur Iruñean, eta bide batez, babesa eta elkartasuna adierazi die Yolanda Bardina Nafarroako presidenetari tartak botatzeagatik atxilotutakoei. "Delitua baliabide publikoak xahutzen dituztenek egiten dute, lurraldea ustiatzen dutenek eta euren proiektuak inposatzen dituztenek", esan du Txelui Morenok, Ainhoa Irigibel, Juan Kruz Aldasoro, Koldo Flores eta Kepa San Martinekin batera egindako agerraldian.
AHTaren lanak hasita UPNk eta PSNk osatzen duten gobernuak "inposaketan" aurrera pauso bat eman nahi duela salatu du Morenok, eta nabarmendu du 2012ko aurrekontuetan %3ko murrizketa aurreikusten duten bitartean, AHTren lanetarako dirua handitu nahi dutela. Horregatik Nafarroako Gobernua bere lehentasunak zeintzuk diren esatera deitu du, "herritarren beharrak edo gutxi batzuen negozioa".
