"Euskal Herriak bizi duen salbuespen egoera salatzeko" manifestaziora deitu du bihar Donostian. Antolatzaileek 17:30ean Bulebarretilk abiatzeko eta Donostiako erdigunean ibili ondoren leku berean amaitzeko baimena eskatu diote Jaurlaritzako Herrizaingo Sailari, Bulebarraren eremuan gune zehatz bat eman gabe. Herrizaingo Sailak, berriz, manifestazioa Bulebarreko kioskoan amaitzeko agindu die antolatzaileei.
Izan ere, bihar arratsaldeko zazpietan jaurtiko dute Alderdi Ederren, Bulebar amaieraren ondoan, Aste Nagusi hasierako kainoikada, eta manifestariek eta festaren abiatze ekitaldira joango direnek bat egitea eragotzi nahi du Herrizaingo Sailak.
Halaber, Herrizaingo Sailak antolatzaileei ohartarazi die "terrorismoa goratzerik" ez dagoela, eta legez kanporatutako erakundeen ikurrik erakusterik ere ez. Halakorik gertatuz gero aurrera egitea debekatuko diela ohartarazi die.
PPk manifestazioa galarazteko eskatu zion Jaurlaritzari. Diginidad y Justicia elkarteak, berriz, debekatzeko eskaera aurkeztu du gaur Espainiako Auzitegi Nazionalean.
Politika
Ezker abertzalearen Donostiako manifestazioa Bulebarreko kioskoan amaitu behar dela agindu du Jaurlaritzak
Aste Nagusiaren hasierako kainoikada jaurtiko duten ordu bertsuan da amaitzekoa biharko manifestazioa, eta bi ekitaldiek bat egitea eragotzi nahi du Herrizaingo Sailak. PPk eta Dignidad y Justiciak manifestazioa galarazteko eskatu dute.
Iruzkinak
Ez dago iruzkinik
Ordenatu
