Ezker abertzaleko buruzagien askatasuna eskatzeko sinadurak biltzen hasi da Lokarri akordioaren eta kontsultaren aldeko herritarren sarea. Helburu bikoitza du kanpaina horrek: alde batetik, "ezker abertzaleko buruzagien eta sektore politiko osoaren askatasun demokratikoen errespetua" eskatzea; eta, bertzalde, "oztopo guztiak" gelditzeko eskatzea, "estrategia politiko berri bat zehaztu ahal dezaten". Horren harira, ezker abertzalearen aurkako polizia operazioak haren barne eztabaida garatzeko "oztopo objektiboa" direla dio Lokarrik.
Bildutako sinadurak Espainiako Auzitegi Nazionalera, Espainiako Gobernura eta Eusko Jaurlaritzara igorriko ditu Lokarrik.
Baldintzapean aske utzitako ezker abertzaleko kideei ezarri dizkieten neurriei buruz, berriz, "oinarrizko eskubide eta askatasun demokratikoen urratzea" suposatzen dutela irizten dio Lokarrik, eta haiek ordezkatutako herritarrak "bizitza politikotik baztertzea" dakartela.
Politika
Ezker abertzaleko buruzagien askatasuna eskatzeko sinadurak biltzen ari da Lokarri
Ezker abertzalearen "askatasun demokratikoen errespetua", eta haren barne elkarrizketari "oztopo" gehiago ez paratzea aldarrikatzen du Lokarrik.
Iruzkinak
Ez dago iruzkinik
Ordenatu
