"Familia proiektuak martxan jartzeko oztopoak gutxitzeko", herri gisako itun bat lortu nahi du Eusko Jaurlaritzak, Iñigo Urkullu lehendakariaren arabera. 2020ra arte, lau urtean 200 milioina euro bideratu nahi ditu familietara, "hura delako elkarbizitzaren oinarrizko erdigunea," eta, horrekin, "familia eta haurtzaroa" babestu nahi ditu.
Aitatasun Positiborako Jardunaldien itxiera ekitaldian egin du iragarpena Urkulluk, eta esan du Jaurlaritzak familia indartu nahi duela "segurtasun pertsonalerako estruktura" gisara.
Neurrien artean daude seme-alabak dituztenei "gutxieneko" baliabide ekonomikoak ematea eta gurasoek seme-alabei "behar den denbora guztia" eskaini ahal izateko neurriak hartzea.
