Zapaterok eta Ibarretxek atzo egindako bilera zer esana ematen ari da oraindik ere. Izan ere, ezer gutxi jakin da bilera horretan hitz egin zutenaz.
Hain zuzen ere, Ibarretxek ezer gutxi esan du gaur atzoko bileraren inguruan, eta esan duenaren arabera halaxe jarraitzeko asmoa du, gainera. "Bakearen eta normalizazio politikoaren bidean urratsak emateko aukera" dagoela uste dute bai Ibarretxek eta baita Zapaterok ere, jarduneko lehendakariak esan duenez. Bakea lortzeko ardura handia dagoela eta, arduraz jokatzeko eskatu die Ibarretxek komunikabideei.
Espainiako Gobernuko bozeramaileak ere hitz egin du, eta hark esan du, bakea lortzeko itxaropena dagoela, baina bi buruzagiek ez zutela "ETArekin negoziatzeaz" hitz egin. Aro berria abiatu dela uste dute bi buruzagiek, eta "Aldebakarreko inposizioek ez dutela lekurik". Orain, Euskal Herrian "errezeta zaharrak" erabiltzeak ez duela ezertarako balio ere uste dute.
politika
Fernandez de la Vegak dio Ibarretxe eta Zapateroren ustez bakerako itxaropenaz aritu zirela
Espainiako Gobernuko bozeramaile Maria Fernandez de la Vegak esan duenez, Eusko Jaurlaritzako jarduneko lehendakari Juan Jose Ibarretxe eta Espainiako gobernuburu Jose Luis Rodriguez Zapatero ados azaldu ziren atzo Euskal Herrian "bakea lortzeko esperantza" dagoela esaterakoan. Ibarretxek, berriz, zera esan du bilerari erreferentzia eginez: "Egiten duguna baino gehiago egin behar dugu, eta gutxiago hitz egin", izan ere, berak dionez, "ardura handia dago bakea lortzeko".
Iruzkinak
Ez dago iruzkinik
Ordenatu
