Ohiko moduz abiatu da Donostiako aste nagusia, baina ez-ohiko protagonistekin. Izan ere, Gipuzkoako hiriburua suntsitu zuten 200. urteurrenaren harian kanoikada berezi batek abiatu du festa, eta festetan lanean ibilitako boluntario talde batek eragin du danbatekoa. 50 bat elkartu dira zeregin horretan, eta haien artean udaleko hainbat ordezkari ere izan da tartean. Artillero abestu ez ezik, dantzan ere aritu dira.
Bulebarra gainezka zegoela lehertu da kanoia, eta festa abiatu da berehala. Batukadaren erritmoan jarraitu dute festa, eta egitarau oparoaren hasiera besterik ez da izan, gainera. Gaur gauean kontzertuak hasiko dira Saguesen. Aurynen txanda izango da gaurkoan. Hiriaren beste gune batzuean ere izango dira ekitaldiak. Egitarau oparoa dute zain donostiarrek heldu den larunbatera bitartean.
