Maialen Uharte irratiko esatariak jaiaren aurkezpenean adierazi zuenez, festa "xume bat" egin dute. Aretoa, ordea, jendez bete da. Hiru musika talde egon dira Iruñeko Zentral Kafe Antzokia girotzeko: The Broken Brothers Brass Band, Demode Quartet, Esne Beltzako Xabi Solano, DZ eta Pini.
Abuztu amaieran erabaki zuen Nafarroako Gobernuak Euskalerria irratiari emititzeko lizentzia ematea. Iruñerriko irrati euskaldunak 27 urte eman ditu lizentziarik gabe emititzen, eta 30 urte dira lehenbizikoz baimena eskatu zuenetik.
