Fiskalak eta akusazio partikularrek Felipe Ardanzaren kontra eskatu zezaketen zigorrik handiena eskatu dute

Bizkaiko Lurralde Auzitegiko fiskaltzak emakumeen kontrako indarkeria kasuak zigortzeko urrats berri bat eman du Ofelia Hernandezen hilketa argitzeko egin duten epaiketan. Hernandezen heriotzagatik bakarri ez, Felipe Ardanza ustezko hiltzailearentzat hiru urteko espetxe zigorra eskatu du "elkarrekin bizi izan ziren bitartean eta banandu ondoren emakumeari tratu txarrak emateagatik".

Fiskalak eta akusazio partikular biek —Clara Campoamor elkartea eta Durangoko Udala— 24 urteko gartzela zigorra eskatu dute Ardanza durangarrarentzat. Eska zezaketen zigorrik handiena: 20 urteko gartzela zigorra erailketagatik, hiru urte gehiago etengabeko trata txarrengatik, eta beste bat gehiago hurruntzeko agindua urratzeagatik.

Ardanzaren abokatuak berak ere aldatu egin du hasierako zigor eskaeta. Hernandezen hilketan, gehiagotasunezko abusua izan dela iritzi dio eta horregatik, sei urte eta hiru hilabeteko gartzela zigorra eskatu du bere bezeroarentzat.