Urtebeteko epea izango du fiskaltzak Osakidetzaren lan eskaintza publikoa ikertzeko. Ekainean jaso zuen lehen salaketa, ELA sindikatuaren eskutik, eta urte amaiera arteko epea zuen auzia ikertzeko. Ikerketa luzatzea eskatu du, ordea, fiskaltzak, eta beste sei hilabete izango ditu azterketetan irregulartasunik izan zen ala ez aztertzeko.
Ikerketaren ostean, auzi artxibatzeko eskatzen duen ala kasuarekin aurrera jarraitzeko eskatzen duen argitu beharko du fiskaltzak.
Joan den astean, Osakidetzako zuzendaritza kargua utzi zuen Maria Jesus Mujikak, Osakidetzako hautaprobetako ustezko iruzurra dela eta.
