Fiskaltzarenera jo du SOS Haur Lapurtuak taldeak, Etxeberriaren adierazpenengatik

Fiskaltzarenera jo du SOS Haur Lapurtuak elkarteak, Paco Etxeberria auzitegiko medikuak Eusko Legebiltzarrean auziari buruz egindako adierazpenen harira. Umeak ostu zituztela esateko frogarik ez dagoela adierazi zuen parlamentuan; lapurretak ez, adopzio irregularrak izango zirela azaldu zuen. «Ia ezinezkotzat» jo zuen lapurretak egitea. SOS Haur Lapurtuak elkartearen erabakiaren berri izan ondotik, legebiltzarrean esandakoei eutsi egin die Etxeberriak; fiskalaren aurrean deklaratzeko prest dagoela nabarmendu du, eta «ondo» ikusiko lukeela hori egin beharra. Jose Gurrea ginekologoak telebistan esandakoren berri ere eman dio taldeak fiskalari; agiriak faltsutzen zituztela onartu zuen.