Bi ekitaldiak 20:00etatik aurrera egingo dituzte. Ostiralekoan, Manuel Blanco Txibite FRAPeko kideak eta Mikel Paredes Manot Jon Paredes Manot Txiki zenaren anaiak hartuko dute parte. Tolosako Cecilia G. de Guilarte Foro Errepublikanoak antolatu du omenaldia.
Igandean bete ziren 40 urte Espainiako Estatuak ETAko kide Txiki eta Angel Otaegi Etxeberria, eta FRAPeko Jose Humberto Baena, Jose Luis Sanchez Bravo eta Ramon Garcia Sanz fusilatu zituenetik. Hainbat omenaldi egin dizkiete egunotan; tartean, Iruñean, Zarautzen eta Madrilen.
