1936ko gerran frankistek fusilatutako 86 lagunen gorpuak aurkitu dituzte gaur Aragoiko Magallon herrian (Espainia). Hilerrian topatu dituzte, eta horietako asko euskal herritarren gorpuak direla azaldu dute Aranzadi Zientzia Elkarteko eta Nafarroako Fusilatuen Senideetako ordezkariek. Haien artean 26 Buñuelgoak (Nafarroa) dira, eta beste bat Irungoa (Gipuzkoa).
Aranzadi Zientzia Elkarteko antropologoek 86 horietako hamar hilotzen hondakinak atera dituzte gaur goizean, eta lanean segitzen dute, guziak atera arte. Eskuindarrek 36ko gerran fusilatu eta hilobiratu zituzten horietako baten izena eman dute, gainera: Irungo Justo Inbert deitutako gizonezkoa zen, eta haren senitartekoen bila hasi dira.
36ko gerra
Frankistek fusilatutako 86 lagunen gorpuak aurkitu dituzte Aragoin
Magallon herriko hilerrian topatu dituztenen artean asko euskal herritarrak ziren, tartean Buñuelgo 26 eta Irungo bat. Aranzadi Zientzia Elkarteko kideak ari dira hilotzak ateratzen.
Iruzkinak
Ez dago iruzkinik
Ordenatu
