Zahartuta eta baldintza txarretan zegoen Gaztelumendiko gurutze frankista erraldoia, eta hura kentzea erabaki zuen Larrabetzuko Udalak (Bizkaia). Gurutzearen harri horiekin berekin, faxisten kontra aritutako gudarien omenezko zerbait eraikitzea da udalaren asmoa.
10:30erako egin zuten deialdia gaurko. Alkateak asmoen berri eman ostean, Eusko Gudariak eta Internazionala abestu dituzte Gaztelumendira joan diren 40 bat herritarrek. Horrekin batera, gurutzea botatzeko prest zegoen kamioiak lanari ekin dio. Baina harriak ez dira joan uste zuten tokira. Bi ikusle zauritu dira; haietako bat Maria Luisa Mezo Loroño da, EAJko zinegotzia. Hiru anbulantzia joan dira, suhiltzaileak eta Ertzaintza. Zaurituak anbulantzian eraman dituzte.
Bideoa: gurutzea bota duten unea (Julen Nafarrate)
[youtube]https://youtu.be/0gPV2_xo2J0[/youtube]
