Frantziak ez du presorik askatuko edo espetxe politika moldatuko, ETA desegin arren. Hala jakinarazi du gaur Jerome Bonnafont Frantziako enbaxadoreak Espainian. "Presoekin zer egin behar den zehatz esaten du legeriak", ohartarazi du.
Bonnafontek azaldu du epaileek erabakitzen dutela presoek non beteko duten espetxealdia, "ez administrazioak edo gobernuak".
Oroitarazi duenez, Frantziako Gobernuak Espainiakoari "elkartasun osoa" adierazi dio "terrorismoaren desagerpenean" eta, zehatzago, "ETAren desegitean eta armak ematean". ETAk jardun armatua eten izana "funtsezko aldaketatzat" jo du, eta uste du "terrorismoaren kontrako borrokaren eraginkortasunaren" ondorio dela.
