Frantziako Poliziak Juan Carlos Iriarte euskal iheslari politikoa atxilotu du gaur arratsaldean Hendaian (Lapurdi), kontrol batean, Askatasunak jakinarazi duenez.
Donostiarra da Iriarte, Antigua auzokoa, eta Amnistiaren Aldeko Mugimenduek gaurko manifestazioa antolatu dute bertan. 20:00etan hasiko da, Antiguako Plaza Berritik, Aski da! Errepresioa ez da bidea, Juankar askatu lelopean.
Herenegun Asier Tapia donostiarra ere atzeman zuen Frantziako Poliziak, Hendaiatik gertu, Biriatun. 2001ean Haika erakundearen kontrako polizia operazioaren ondoren Donostian agerraldi batean esandakoagatik kale erasoak sustatzeagatik auziperatu egin zuten Tapia, eta 2005ean ez zen Espainiako Auzitegi Nazionalera azaldu, epaileak deitu zuenean.
Atxiloketa
Frantziako Poliziak beste lagun bat atxilotu du gaur, Hendaian
Juan Carlos Iriarte iheslaria da atzeman dutena, kontrol batean.
Iruzkinak
Ez dago iruzkinik
Ordenatu
