Frantziako Poliziak Garikoitz Pascual donostiarra (1976) eta Eneko Pascual hernaniarra (Gipuzkoa; 1981) atzeman ditu gaur, 16:30-17:00ak aldera, Baionan.
Ismael Moreno Espainiako Auzitegi Nazionaleko epaileak bien -lehengusuak dira- euroagindua eskatu zuen joan den urrian, "euren kontrako akusaziorik ez duela esana duen arren", Askatasunak dioenez. Bihar Paueko (Frantzia) Auzitegira eramango dituzte, eta orduan erabakiko dute kartzelara sartuko dituzten edo ez.
Garikoitz eta Eneko Pascual ikastolatik Baiona Tippira zihoazen atxilotu dituztenean, eta Poliziaren hiru auto zituzten atzetik. Poliziek gerarazi egin dituzte, pistolak aterata. Kotxe barruan iheslari baten neska-laguna zegoen, eta haur bat ere bai. Poliziek hiru helduak lurrera bota dituzte, iletik tiraka. Esku-burdinak jarri dizkiete.
Atxiloketak salatzeko, Hernaniko Amnistiaren Aldeko Mugimenduak 20:00etan mobilizazioa egingo du, plazatik abiatuta.
Atxiloketak
Frantziako Poliziak bi lagun atxilotu ditu Baionan
Garikoitz Pascual donostiarra da eta Eneko Pascual hernaniarra, eta arratsaldean ikastolatik Baiona Ttippira zihoazela atzeman dituzte. Espainiako Auzitegi Nazionalak euroagindua eskatua du urritik.
Iruzkinak
Ez dago iruzkinik
Ordenatu
