Lapurreta
Frantziako Poliziaren arabera, ETAko kideak dira bi jendarmeri uniformeak eta armak ebatsi dizkieten bi lagunak
Bi lagunek uniformeak eta armak lapurtu zizkieten atzo goizean Cahorsen bi jendarmeri, eta hainbat orduz atxikita izan zituzten. Frantziako Poliziak zabaldu duenez, bi lagun horiek ETAko kideak zirela esan zieten bi jendarmeei.
Frantziako Poliziak emandako azalpenen arabera, jendarmeek ustezko bi etakideak gerarazi zituzten, lapurtutako auto batean zihoazelako. Identifikatzeko eskatu zietenean, ordea, pistolak atera, eta auto barrura sartzera behartu zituzten jendearme biak. Iturri horien arabera, hainbat orduz izan zituzten atxikita. Gero, ordea, aske utzi zituzten, baina aurretik, uniformeak, armak eta irrati aparatuak ebatsi zizkieten. Poliziaren arabera, ETAko kideak zirela esan zieten jendarmeei bi pertsona horiek.
Iruzkinak
Ez dago iruzkinik
Ordenatu
