Muammar Gaddafi zenak 2007an Frantziako presidentziarako hauteskundeetan Nicolas Sarkozy UMPko hautagaiaren kanpaina finantzatu zuela argitaratu du gaur Mediapart.fr webguneak. Libiako aurreko erregimeneko arduradunen artxiboak atera ditu atari digitalak eta, horien arabera, Gaddafiren gobernuak 50 milioi euroko laguntza eman zion Sarkozyren kanpainari.
Libiako oposizioko kideek joan den urriaren 20an hil egin zuten Gaddafi, tiroz.
