Usansolo Herria plataformak deitutako erreferendumaren inguruko balorazioa egin du Galdakaoko Udalak. Uste du plataformak egindako urratsarekin "herritarren espektatibak" igoko direla eta gero "frustrazioa" areagotuko dela, "helburuak lortzen ez direlako".
Udalaren ustez, "ezinezkoa" izango da 4.000 biztanleko beste udalerri bat sortzea: "Hain zuzen ere, mendebaldeko mundu honetan joera kontrakoa da". Desanexioaz erabakia hartzeko eskumena Bizkaiko Batzar Nagusiena dela nabarmendu du udalak, "eta erabaki hori honezkero hartua du".
