Galduta zegoen gizon baten gorpua aurkitu dute Zornotzan

ZORNOTZA. Igandetik galduta zegoen 82 urteko gizon baten gorpua aurkitu zuten atzo Zornotzan (Bizkaia). Jaiegunean, gauean, jaso zuen desagertzearen berri Ertzaintzak, eta, jakinarazi dutenez, pertsona batek aurkitu zuen gorpua atzo 10:50ean, hildakoaren etxetik gertu zegoen erreka batean. Hilotza Bilboko auzitegi medikuengana eraman zuten, autopsia egin ziezaioten heriotzaren arrazoia argitzeko.