Galdutako mendizale bat onik aurkitu dute Gorbeian

BILBO. Gorbeia mendian mendizale bat erreskatatu zuen Ertzaintzak atzo arratsean. Gizonak berak deitu zuen larrialdietara arratsaldean, galdu egin zela-eta laguntza eskatuz. Gurutzetik bera zihoala geratu zen noraezean. 21:30 pasatxo zirela aurkitu zuten ertzainek, onik, eta autora lagundu zioten. 35 urte dauzka mendizaleak.