Ras yr Iaith edo hizkuntzaren aldeko lasterketa hasi dute gaur Galesko Bangor hirian. Korrikalariek hainbat herri eta hiri zeharkatuko dituzte hiru egunez galeseraz bizi eta aritzeko eskubidea aldarrikatzeko.
Dena prest Galesko @korrika -n. Kuraia on!!! @RasyrIaithpic.twitter.com/VWcErAqyQQ
— Paul Bilbao Sarria (@paulbilbao) 2016(e)ko uztailak 6
Bigarren aldia da lasterketa egiten dutena. Lehenengoz 2014an antolatu zuten, galeseraren erabilera bultzatzeko asmoz, eta, aldi berean, bizitza osasuntsuago baten aldeko aldarria zabaltzeko. Antolatzaileen asmoa da bi urtean behin egitea lasterketa, eta urtez urte haren iraupena eta ibilbidea zabalduz joatea. Horretaz gain, eta Euskal Herrian Korrikarekin egiten den moduan, han ere nahi duenak kilometro bat eros dezake eta, bide batez, lanean jarraitzeko laguntza ekonomikoa eman.
