Alberto Pazos Couñago Galiziako PPko diputatuaren adierazpenek sutan jarri dituzte sozialistak. "Heriotza zigorra da zenbait gobernu sozialistek, epaiketarik gabe, terroristak izatea leporatutako batzuei ezarritakoa". Sozialistek esan dute epaitegira eramango dituztela hitz horiek, eta Galiziako Parlamentuko Batzorde Instituzionala utzi dute.
Eztabaida BNGak inkomunikazio aldiaren eta sakabanaketaren amaiera eskatzeko aurkeztu duen mozio batean piztu da. Mozioa azkenean atzera bota dute PPren botoek. Eztabaidan ari zirela Galiziako PSOEko diputatu batek PPkoari galdetu dio eta heriotza zigorraren alde dauden. Orduan esan du Pazos Couñagok GALi buruzkoa.
