Gamesak Agoizko lantokiko 202 langileentzat behin-behineko lan erregulazioko espedientea planteatu du. Bi aste dituzte proposamena eztabaidatzeko langileen batzordearekin. Batzordeak etzi helaraziko die langileei eta balorazio bat argitaratzeko asmoa du.
Batzordeko iturriek aditzera eman dutenez, urtarriletik irailera amaiera arte iraungo luke proposamenak, eta 272 eguneko iraupena luke, baina negoziazioan aldatu egin daiteke iraupen hori. Aurretik ere Agoitzen beste espediente bat indarrean dago, baina hori epeka ezartzen da.
Zuzendaritzaren arabera, eskari batzuk atzeratu egin zaizkie. Hala, ez dute lantokiko 'stock'-a handitzea nahi eta langileak geldirik eduki nahi ere.
Langileen batzordean, ELA hiru ordezkari ditu eta LABek, CCOOk eta UGTk bina ordezkari dituzte.
