Gipuzkoako ahaldun nagusi Martin Garitanok "nabarmena" deritzo Europako Giza Eskubideen Auzitegiak Parot doktrinaren inguruan emandako ebazpenari, eta uste "zentzugabetzat" jo du epai horren "desobedientzia" eskatzen duen manifestazio batera PP joan izana.
AVTk deituta atzo Madrilen egin zuten manifestazioaz jardun du horrela Garitanok Info Zazpi irratian. Esan du irudiek "beren kabuz" hitz egiten dutela, eta PPri esan dio Estrasburgoren epai baten aurkako manifestaziora badoa, hobe lukeela "Estrasburgoko auzitegia dagoen marko politikotik irten".
