Greenpeacek Stop nuklearrak, Stop Garoña dioten bi kartel erraldoi zintzilikatu ditu goizean CSN Espainiako Segurtasun Nuklearrerako Kontseiluaren egoitzan, Madrilen. Era horretan, zentrala irekitzea baimenduta parlamentuaren gehiengoaren eskaerari "entzungor" egin izana salatu, eta "independentziarik eza" egotzi dio Greenpeacek CSNri.
Hilaren 4an, CSNk beste urrats bat egin zuen Garoñaren ustiapen baimena 2031. urtera arte luzatzeko bidean, jarraipenaren aldeko txostena egitea onartuz. Dena den, CSNren txostena luzapenaren aurkakoa denean soilik da bete beharrekoa. Beraz, azken hitza Espainiako goberrnu berriak izango luke kasu honetan.
