Hasiera batean, garraio publikoa doakoa izateko proposamena 14 urtez azpikoetara mugatzen zen —egun 5 urtera arte da doan—, baina eztabaidan PPren zuzenketa bat babestu du PSE-EEk , eta 14 urtetik 16 urtera zabaldu da proposamena.
Jesus Isasi PPko ordezkariaren ustez, zerbitzuak 16 urtera arte izan beharko luke doan, ikastetxetik lau kilometro baino gutxiagora bizi direnek ez dutelako eskola garraiorik.
EAJko Jon Larrearen arabera, berriz, gazteak garraio publikoa erabiltzera ohitu daitezen, zerbitzuak "kalitatezkoa" izan behar du, eta horretarako "iraunkortasun ekonomiko bat" beharrezkoa da. Ziurtatu du garraio publikoa diruz lagunduta dagoela, eta "hobetzen" jarraitu behar dela.
Horrekin batera, PSEri eta PPri "barregarri" ez gelditzeko eskatu die; Larreak gogoratu du haien esku dauden udaletan ez dutela doakotasun hori aplikatzen.
