Gas zundaketek kalte txikiak eragitea bermatu nahi dute

GASTEIZ. Eusko Jaurlaritzak, Arabako Foru Aldundiak eta Gasteizko Udalak instituzio arteko batzorde bat sortu dute, Arabako gas zundaketek «eragin txikiena» izan dezaten. Batzorde horrek aurten eta datorren urtean egingo dituzten bi zundaketen arriskuak aztertuko ditu. Horrez gain, haustura hidraulikoan adituak diren pertsonekin jardunaldi teknikoak egitea erabaki dute batzordeko kideek.