Eusko Legebiltzarreko alderdi politikoetako ordezkariak (UPDkoa izan ezik), Gaztetxeko kideak, euskarazko komunikabideetako langileak, jaietako blusak eta neskak, haurrak, helduak... hiri osoa jarri du mugimenduan 19. Korrikak.
Gasteizen dabil #korrika! #euskahaldun-ez lepo Olagibel aldera orain #KorrikaZuzenean@berriapic.twitter.com/RbpRfh9JGK
— Hodei Iruretagoiena (@hirual) March 28, 2015Gaztetxeko ordezkariek nabarmendu dute nola euskaldundu den gaztetxea urte hauetan guztietan. Hala Bedi irratiko Maitane Arnaizek ere bereziki azpimarratu du euskarazko komunikabideek Gasteizen duten "loraldia". Bide horretan, elkarlanaren balioa goraipatu du.
Lautada, euskalduntzen
Arabako lautadan barrena sartu da hiriburura Korrika. Zalduondon, Zeledon ere korrika jartzen zuen pankartak eman dio ongietorria.
Egunon! Zalduondotik Agurainera bidean da #korrikazuzenean@berriapic.twitter.com/gbqBcWdDW6
— Hodei Iruretagoiena (@hirual) March 28, 2015Agurainen jende asko batu zaio euskararen aldeko lasterketari. Joseba Legarda Arabako kuadrilla hartako euskara teknikaria pozik agertu da azken urteotan inguruak izan duen bilakaerarekin. Izan ere, herritarren laurden bat elebidun da jada, eta beste laurdena elebidun hartzailea behintzat badela nabarmendu du.
Bertan egin du korri Oriotik (Gipuzkoa) joandako lagun talde batek. Hango euskaltzaleengandik zer ikasia badutelako joan dira Arabara, ikasitakoa atzera Oriora ekartzeko helburuz.
Orioko herritarrak Agurainen: "Asko daukagu ikasteko bertako euskaltzaleengandik" @berria#KorrikaZuzeneanpic.twitter.com/3at65ELP7i
— Hodei Iruretagoiena (@hirual) March 28, 2015
