Iaz garai berean hogei salaketa gutxiago jaso zituen Gasteizko Udaltzaingoak. Gorka Urtaran alkatea kezkatuta agertu da salaketek gora egin dutelako. Adierazi du "laguntza osoa" eman behar zaiela erasoak jasan dituzten emakumezkoei.
Erasotuak izan diren emakumezkoak aldi batez artatzeko aterpetxearekin udalak eginiko akordioaren berri eman du Urtaranek; bi urtetan 706.000 euro bideratuko ditu aterpetxea kudekatzeko. Aterpetxeak 12 plaza ditu, eta iaz 30 emakumeri eta 26 haurri eman zien aldi bateko babesa. Urtaranek nabarmendu du datuek erakusten dutela halako zerbitzu bat, "zoritxarrez", beharrezkoa dela Gasteizen.
Gasteizko alkateak gizonezkoei egin die dei halako kasuen aurrean besoak gurutzaturik gera ez daitezen.
