22 urteko gizon bat atxilotu du Gasteizko Udaltzaingoak, neska lagunari eraso egitea leporatuta. Arabako hiriburuko Udalak jakinarazi duenez, emakumeak dei egin zuen, atzo, 09:00 aldera, Poliziaren laguntza eskatzeko.
Agenteak bertaratzean, egiaztatu zuten gizonak emakumeari eraso egin ziola eztabaida batean, eta, ondorioz, biktima ospitalera eraman zuten. Erasotzailea atxilotu egin zuten, genero indarkeriako delitu bat egotzita, eta gaur jarriko dute epailearen esku.
