Ertzaintzak 44 urteko gizonezko bat atzeman du gaur goizaldean Gasteizen, bikotekidea aurpegian jo eta iletik helduta arrastaka eraman duelakoan. Ustezko erasotua erietxe batera eraman behar izan dute.
Eusko Jaurlaritzako Herrizaingo Sailetik azaldu dute 02:00ak aldera izan dela ustezko erasoa, Aldabe plazan.
Polizia talde bat eta anbulantzia bat plazara bertaratu dira, dei baten bidez abisua jaso ondoren. Han identifikatu dute gizonezkoa, eta ondoren atxilotu egin dute.
