Gasteizko taxilari bati jipoi handia eman diote bart bi lagunek, eta autoa lapurtu diote Eskoriatzako (Gipuzkoa) paraje bakarti batean zaurituta utzi ondoren.
Jaurlaritzako Herrizaingo Sailak agertu duenez, bart gauerdia baino zertxobait lehenago bi gizonezkok taxi bat hartu dute Gasteizen, eta Gipuzkoara eramateko eskatu diote taxilariari. Eskoriatza ingurura iritsi direnean, bi lagun horiek taxilariari eraso diote, eta jipoi handia eman. Gero, leku bakarti batean utzi dute zaurituta, eta autoa eurekin eraman dute.
Goizaldeko ordubatak aldera herritar batek ikusi du taxilaria eta Ertzaintzara deitu du. Arrasateko Ospitalera eraman dute anbulantzian, eta han dago zauri larriekin.
Ertzaintzak dagoeneko aurkitu du lapurtutako autoa, Gasteizen, eta ustezko erasotzaileak ere atxilotu ditu.
Erasoa
Gasteizko taxilari bati jipoia eman eta autoa ostu diote Eskoriatzan
Zauri larriak ditu, eta Arrasateko Ospitalera eraman dute. Ertzaintzak ebatsitako autoa aurkitu du Gasteizen, eta bi gizonezko atxilotu ditu, taxistari eraso diotenak direlakoan. 50 eta 21 urteko bi gizon dira atxilotutakoak.
Iruzkinak
Ez dago iruzkinik
Ordenatu
